தமிழகம் முழுவதும் மதுக்கடைகளை மூட வேண்டும் என தவெக செயற்குழு கூட்டத்தில் தீர்மானம் நிறைவேற்றப்பட்டுள்ளது.
சென்னை அடுத்த பனையூரில் தவெக செயற்குழு கூட்டம் மற்றும் மாவட்ட செயலாளர்கள் கூட்டம் நடைபெற்றது. இக்கூட்டத்தில் கட்சியின் தலைவர் விஜய் கலந்துகொண்டு நிர்வாகிகளுக்கு பல்வேறு ஆலோசனைகளை வழங்கினார்.
மேலும், கட்சியின் அடுத்தகட்ட நடவடிக்கை, உட்கட்டமைப்பு மற்றும் பொறுப்பாளர்கள் நியமனம் தொடர்பாக கட்சியினருடன் விஜய் ஆலோசனை மேற்கொண்டார். அப்போது, எதிர்க்கட்சிகள் விமர்சித்தாலும், கடந்து செல்ல வேண்டும் என்றும், கட்சி நிர்வாகிகளுக்கு விஜய் அறிவுறுத்தினார். இதனை தொடர்ந்து கூட்டத்தில் 26 தீர்மானங்கள் நிறைவேற்றப்பட்டன.
