கன்னியாகுமரி மாவட்டம் குழித்துறையில், நிறுத்தி வைக்கப்பட்டுள்ள இறைச்சி கழிவு ஏற்றி வந்த கண்டெய்னர் லாரியை அப்புறப்படுத்த வேண்டுமென பாஜக கவுன்சிலர்கள் காத்திருப்பு போராட்டத்தில் ஈடுப்பட்டனர்.
கேரளாவில் இருந்து கடந்த ஒன்றாம் தேதி கன்னியாகுமரி மாவட்டம் குழித்துறைக்கு இறைச்சி கழிவை ஏற்றி வந்த கண்டெய்னர் லாரியை களியக்காவிளை போலீசார் தடுத்து நிறுத்தி வழக்குப்பதிவு செய்தனர். தொடர்ந்து அந்த லாரியை வி.எல்.சி மைதானத்தில் போலீசார் நிறுத்தி வைத்தனர். இதனால் அப்பகுதியில் தூர்நாற்றம் வீசி வருவதால் லாரியை அப்புறப்படுத்த பலரும் கோரிக்கை விடுத்தனர்.
ஆனால் காவல்துறையும், நகராட்சி நிர்வாகமும் எந்த வித நடவடிக்கையும் எடுக்காததால், பாஜக கவுன்சிலர்கள் காத்திருப்பு போராட்டதில் ஈடுபட்டனர்.மேலும் லாரியை அப்புறப்படுத்த வில்லையெனில் போராட்டம் தொடரும் என எச்சரிக்கை விடுத்துள்ளனர்.
