மேல்மருவத்தூர் அருகே விபத்தில் உயிரிழந்த பெண் காவலர் நித்தியாவின் உடல் 24 துப்பாக்கி குண்டுகள் முழங்க போலீஸ் மரியாதையுடன், அவரது சொந்த ஊரான வேடசந்தூரில் அடக்கம் செய்யப்பட்டது.
செங்கல்பட்டு மாவட்டம் மேல்மருவத்தூர் அடுத்த சிறுநாகலூர் பகுதியில் கார் மோதியதில், இருசக்கர வாகனத்தில் சென்ற காவல் உதவி ஆய்வாளர் ஜெயஸ்ரீ மற்றும் காவலர் நித்யா இருவரும் உயிரிழந்தனர்.
தொடர்ந்து பிரேத பரிசோதனைக்கு பின் உதவி ஆய்வாளர் ஜெயஸ்ரீயின் உடல் அவரது சொந்த ஊரான மதுரை மாவட்டம் ஆனையூர் பகுதிக்கும், காவலர் நித்தியாவின் உடல் திண்டுக்கல் மாவட்டம் வேடசந்தூர் அருகே உள்ள கொசவபட்டிக்கும் ஆம்புலன்ஸ் மூலம் கொண்டு செல்லப்பட்டது.
இதையடுத்து காவலர் நித்தியாவின் உடல் இறுதி அஞ்சலிக்கு பின் கொசவபட்டியில் உள்ள மயானத்தில் துப்பாக்கி குண்டுகள் முழங்க போலீஸ் மரியாதையுடன் நல்லடக்கம் செய்யப்பட்டது.
