வரும் 25-ஆம் தேதி நாடாளுமன்ற குளிர்கால கூட்டத்தொடர் தொடங்குவதாக மத்திய அமைச்சர் கிரண் ரிஜிஜு தெரிவித்தார்.
நாடாளுமன்ற குளிர்கால கூட்டத்தொடரை வரும் 25-ஆம் தேதி முதல் அடுத்த மாதம் 20-ஆம் தேதி வரை நடத்த குடியரசு தலைவர் திரெளபதி முர்மு ஒப்புதல் அளித்ததாக கிரண் ரிஜிஜு எக்ஸ் பக்கத்தில் குறிப்பிட்டுள்ளார்.
வரும் 26-ஆம் தேதி அரசியலமைப்பு சட்ட தினமும், அது ஏற்றுக்கொள்ளப்பட்ட 75-ஆவது ஆண்டு விழாவும் நாடாளுமன்ற மைய அரங்கில் கொண்டாடப்படும் என அந்தப் பதிவில் அவர் கூறியுள்ளார். இந்நிகழ்ச்சியில் மக்களவை, மாநிலங்களவை உறுப்பினர்கள் கூட்டாக பங்கேற்கின்றனர்.
ஒரே நாடு ஒரே தேர்தல் மற்றும் பொது சிவில் சட்டம் தொடர்பான சட்டத்திருத்த மசோதாக்கள் குளிர்கால கூட்டத்தொடரில் தாக்கலாகும் என தகவல் வெளியாகியுள்ளது.
