தமிழகத்தில் ஆட்சி மாற்றத்தை மக்கள் விரும்புவதாக பாஜக மூத்த தலைவர் தமிழிசை சௌந்தரராஜன் தெரிவித்துள்ளார்.
சென்னை மயிலாப்பூரில் தனியார் அறக்கட்டளையின் 35-வது ஆண்டு விழாவில் பாஜக மூத்த தலைவர் தமிழிசை சௌந்தரராஜன் மற்றும் தமிழ் மாநில காங்கிரஸ் தலைவர் ஜி.கே.வாசன் உள்ளிட்டோர் கலந்து கொண்டனர்.
பின்னர் செய்தியாளர்களை சந்தித்த தமிழிசை சௌந்தரராஜன், தமிழகத்தில் ஆட்சி மாற்றத்தையே மக்கள் விரும்புவதாக தெரிவித்தார்.
திமுக கூட்டணியில் இருந்து சில கட்சிகள் வெளியேறுவதற்கு வாய்ப்பு உள்ளதாக தெரிவித்த அவர், மக்களிடத்தில் முதலமைச்சர் ஸ்டாலின் செயற்கையான வரவேற்பை தான் பெற்று வருகிறார் என விமர்சித்தார்.
