வங்கக்கடலில் காற்றழுத்த தாழ்வு நிலை – சீர்காழியில் 136 மி.மீ. மழை பதிவு!

மயிலாடுதுறையில் கனமழை பெய்துவரும் நிலையில் அதிகபட்சமாக சீர்காழியில் 136 மில்லி மீட்டர் மழை பதிவானது.

தென்மேற்கு வங்கக்கடலில் ஏற்பட்டுள்ள காற்றழுத்த தாழ்வு நிலை காரணமாக தமிழகத்தில் கனமழை பெய்யும் என வானிலை ஆய்வு மையம் எச்சரிக்கை விடுத்திருந்தது.

இந்நிலையில் மயிலாடுதுறை மாவட்டத்தில் இரவு பகலாக இடி மின்னலுடன் கூடிய கனமழை கொட்டித் தீர்த்தது. அதன்படி மாவட்ட முழுவதும் 447 புள்ளி 60 மில்லி மீட்டர் மழை பதிவான நிலையில் அதிகபட்சமாக சீர்காழியில் 136 மில்லி மீட்டர் மழை பதிவானது.

இதற்கிடையே, கனமழை காரணமாக மயிலாடுதுறையில் இன்று பள்ளி கல்லூரிகளுக்கு விடுமுறை அளித்து மாவட்ட ஆட்சியர் மகாபாரதி உத்தரவிட்டார்.