மாநிலங்களவை தேர்தலில் போட்டியிடும் மக்கள் நீதி மய்யம் கட்சியின் தலைவர் கமல்ஹாசனின் சொத்து மதிப்பு விவரங்கள் வெளியாகி உள்ளன.
தமிழகத்தில் 6 ராஜ்யசபா பதவியிடங்களுக்கான தேர்தலை இந்திய தேர்தல் ஆணையம் அறிவித்தது. இதற்கான திமுக வேட்பாளர்கள் மற்றும் அதன் கூட்டணி வேட்பாளர் அறிவிக்கப்பட்ட நிலையில் மக்கள் நீதி மய்யம் கட்சியின் தலைவர் கமல்ஹாசன் வேட்பு மனுவை தாக்கல் செய்தார்.
அதில் தனது சொத்துவிவரங்களை தெரிவித்துள்ள கமல்ஹாசன் கடந்த 2023 -24ம் நிதியாண்டில் 78.90 கோடி ரூபாய் வருவாய் கிடைத்ததாகவும், அதில் அசையும் சொத்துக்களின் மதிப்பு 59.69 கோடி ரூபாய் எனவும் தெரிவித்துள்ளார்.
மேலும் 245.86 கோடி ரூபாய் மதிப்பில் அசையா சொத்துக்கள் இருப்பதாக தெரிவித்துள்ள வேட்பாளர் கமல்ஹாசன், 49.67 கோடி ரூபாய் கடன் இருப்பதாகவும், 2.60 லட்சம் ரூபாய் கையிருப்பு உள்ளதாகவும் குறிப்பிட்டுள்ளார். மேலும் 8.43 கோடி ரூபாய் மதிப்பில் கமல்ஹாசனிடம் உயர் ரக சொகுசு கார்கள் இருப்பதாகவும் வேட்பு மனுவின் சொத்து விவரப்பட்டியலில் குறிப்பிடப்பட்டுள்ளது.
