ஒரே ஒரு வாக்கு வித்தியாசத்தில் தோல்வி அடைந்த அமைச்சர் பெரியகருப்பன் – குறைந்த வாக்கு வித்தியாசத்தில் வெற்றி பெற்ற வேட்பாளர்கள் முழு விவரம்!

தமிழகத்தில் குறைந்த வாக்கு வித்தியாசத்தில் வெற்றி பெற்ற வேட்பாளர்கள் எத்தனை பேர் என்பதை கட்சி வாரியாக பார்க்கலாம்…

தமிழக சட்டப்பேரவைத் தேர்தலில் குறைந்த வாக்குகள் வித்தியாசத்தில் ஏராளமான வேட்பாளர்கள் வெற்றி பெற்றிருந்த நிலையில், தமிழக வெற்றிக் கழகம் 7 இடங்களிலும், திமுக ஐந்து இடங்களிலும், அதிமுக 5 இடங்களிலும் குறைந்த வாக்கு வித்தியாசத்தில் வெற்றி பெற்றுள்ளன.

குறிப்பாக திருப்பத்தூர் தொகுதியில் அமைச்சர் பெரிய கருப்பனை ஒரே ஒரு வாக்குகள் வித்தியாசத்தில் பின்னுக்குள் தள்ளி தவெக வேட்பாளர் சீனிவாச சேதுபதி வெற்றியை ஈட்டியிருப்பது அனைவரையும் வியக்க வைத்துள்ளது.

போளூர் தொகுதியில் தவெக வேட்பாளர் அபிஷேக் 227 வாக்கு வித்தியாசத்திலும், கள்ளக்குறிச்சியில் தவெக வேட்பாளர் அருண் விக்னேஷ் 798 வாக்கு வித்தியாசத்திலும் வெற்றி பெற்றனர். மணப்பாறை தொகுதியில் தவெக வேட்பாளர் கதிரவன் ஆயிரத்து 426 வாக்கு வித்தியாசத்தில் வெற்றியை ஈட்டினார்.

கும்பகோணத்தில் தவெக வேட்பாளர் வினோத் 679 வாக்கு வித்தியாசத்தில் வெற்றி பெற்றார். கம்பம் தொகுதியில் ஜெகன்நாத் மிஸ்ரா 751 வாக்கு வித்தியாசத்திலும், ஸ்ரீவைகுண்டத்தில் தவெக வேட்பாளர் சரவணன் ஆயிரத்து 186 வாக்கு வித்தியாசத்தில் வெற்றி பெற்றனர்.

வேப்பனஹள்ளியில் திமுக வேட்பாளர் சீனிவாசன் 138 வாக்கு வித்தியாசத்தில் வெற்றி பெற்றுள்ளார். குளித்தலை திமுக வேட்பாளர் சந்திரன் 579 வாக்கு வித்தியாசத்திலும், கோவில்பட்டி திமுக வேட்பாளர் கருணாநிதி 843 வாக்கு வித்தியாசத்தில் வெற்றியை ஈட்டினர்.

திருக்கோவிலூரில் அதிமுக வேட்பாளர் பழனிசாமி 285 வாக்கு வித்தியாசத்திலும், பரமத்தி வேலூர் அதிமுக வேட்பாளர் சேகர் 308 வாக்கு வித்தியாசத்திலும் வெற்றி பெற்றனர். கன்னியாகுமரி அதிமுக வேட்பாளர் தளவாய் சுந்தரம் 214 வாக்குகள் வித்தியாசத்தில் வெற்றி பெற்றார்.

விக்கிரவாண்டியில் பாமக வேட்பாளர் சிவக்குமார் 910 வாக்குகள் வித்தியாசத்தில் வெற்றியை ஈட்டினார். திண்டிவனம் விசிக வேட்பாளர் வன்னிஅரசு 734 வாக்கு வித்தியாசத்திலும், உதகை பாஜக வேட்பாளர் போஜராஜன் 976 வாக்கு வித்தியாசத்திலும் வெறறி பெற்றனர்.