அரசு ஊழியர்களுக்கான ஓய்வூதிய திட்டம் ஏமாற்று வேலை – நயினார் நாகேந்திரன்

அரசு ஊழியர்களுக்கான ஓய்வூதிய திட்டம் ஏமாற்று வேலை என பாஜக மாநில தலைவர் நயினார் நாகேந்திரன் தெரிவித்துள்ளார்..

திருச்சி விமான நிலையத்தில் செய்தியாளர்களிடம் பேசிய அவர், திமுக அரசின் ஆயுட்காலம் முடிவடைய கூடிய சூழலில் ஓய்வூதியம் தொடர்பான அறிவிப்பை வெளியிட்டது ஏன் ? என கேள்வி எழுப்பினார்.

செவிலியர்கள், துப்புரவு பணியாளர்கள், இடைநிலை ஆசிரியர்கள் ஆகியோரின் கோரிக்கை என்ன ஆனது ? என்றும் அவர் கேள்வி எழுப்பினார்.

ஓய்வூதியம் தொடர்பான அறிவிப்பு ஜாக்டோ ஜியோ அமைப்பினரை ஏமாற்றுவதற்கான அறிவிப்பா அல்லது பொதுமக்களை ஏமாற்றுவதற்கான அறிவிப்பா ? என்றும் அவர் வினவினார்.

திமுக தேர்தல் வாக்குறுதியில் நீட் தேர்வு ரத்து பெட்ரோல் டீசல் விலை குறைப்பு உள்ளிட்ட வாக்குறுதிகளை அளித்தனர் ஆனால் எதையும் நிறைவேற்றவில்லை என்றும் அவர் கூறினார்.