இங்கிலாந்தை சேர்ந்தவர் இந்தியாவின் மெட்ரோ ரயில் குறித்து புகழும் வீடியோ சமூக வலைதளங்களில் வைரலாகி வருகிறது.
இங்கிலாந்தின் லண்டனை சேர்ந்தவர் ரோரி போர்ட்டர். இந்தியாவுக்கு சுற்றுலா வந்த இவர், டெல்லியில் மெட்ரோ ரயிலில் பயணம் செய்துள்ளார். அதுகுறித்த வீடியோ ஒன்றை சமூக வலைதளங்களில் வெளியிட்டுள்ளார்.
அதில், லண்டன் அண்டர்கிரவுண்ட் ரயில்களை விட இந்தியாவில் உள்ள மெட்ரோ மிகவும் நவீனமாகவும், சுத்தமாகவும் இருக்கிறது என்றும், இங்குள்ள பாதுகாப்பு ஏற்பாடுகள் விமான நிலையம் போலவே இருக்கின்றன எனவும் பாராட்டியுள்ளார்.
அரைமணி நேரப் பயணத்திற்கு வெறும் 43 ரூபாய் மட்டுமே கட்டணம் என்பதை தம்மால் நம்பவே முடியவில்லை என்றும், உலகிலேயே இவ்வளவு குறைவான கட்டணத்தில் மெட்ரோவில் பயணம் செய்தது இதுவே முதல் முறை எனவும் தெரிவித்துள்ளார்.
