புதுச்சேரி தேசிய ஜனநாயகக் கூட்டணியில் பாஜகவுக்கும் அதிமுகவுக்கும் 14 தொகுதிகள் ஒதுக்கீடு செய்யப்பட்டுள்ளன.
புதுச்சேரி சட்டப்பேரவை தேர்தலில் தேசிய ஜனநாயக கூட்டணியில் என்.ஆர்.காங்கிரஸ், பாஜக, அதிமுக உள்ளிட்ட கட்சிகள் இணைந்து தேர்தலை சந்திக்க உள்ளன. இந்நிலையில் கூட்டணியில் தொகுதி பங்கீடு தொடர்பாக பேச்சு வார்த்தை நடைபெற்றது.
இதில் முதலமைச்சர் ரங்கசாமி, மத்திய அமைச்சர் மன்சுக் மாண்டவியா, புதுச்சேரி பாஜக தலைவர் ராமலிங்கம், பாஜக மேலிட பொறுப்பாளர் நிர்மல் குமார் சுரானா உள்ளிட்டோர் பங்கேற்றனர். அப்போது கூட்டணியில் பாஜக மற்றும் அதிமுகவுக்கு 14 தொகுதிகள் ஒதுக்க முடிவு எடுக்கப்பட்டது. மேலும் என்.ஆர்.காங்கிரஸ் 16 தொகுதிகளில் போட்டியிட உள்ளது.
