திமுக கூட்டணியில் கொங்குநாடு மக்கள் தேசிய கட்சிக்கு இரண்டு தொகுதிகள் ஒதுக்கீடு செய்யப்பட்டுள்ளன.
சட்டப்பேரவை தேர்தலில் திமுக கூட்டணியில் 26 கட்சிகள் இடம் பெற்றுள்ளன. இந்நிலையில் கூட்டணி கட்சிகளுக்கு திமுக தொகுதிகளை ஒதுக்கீடு செய்து வருகிறது.
அந்த வகையில் இதுவரை காங்கிரஸ் கட்சிக்கு 28 தொகுதிகள், இந்திய யூனியன் முஸ்லிம் லீக் கட்சிக்கு 2 தொகுதிகள், மனிதநேய மக்கள் கட்சிக்கு 2 தொகுதிகள், மதிமுகவுக்கு 4 தொகுதிகள் ஒதுக்கீடு செய்யப்பட்டுள்ளன.
இந்நிலையில் கூட்டணியில் கொங்குநாடு மக்கள் தேசிய கட்சிக்கு திமுக 2 தொகுதிகளை ஒதுக்கீடு செய்துள்ளது. இந்த 2 தொகுதிகளிலும் அக்கட்சி உதய சூரியன் சின்னத்தில் போட்டியிடும் என தெரிவிக்கப்பட்டுள்ளது.
கடந்த 2021 தேர்தலில், கொங்கு மக்கள் தேசிய கட்சிக்கு 3 தொகுதிகள் ஒதுக்கப்பட்ட நிலையில் தற்போது 2 தொகுதிகள் ஒதுக்கீடு செய்யப்பட்டுள்ளது குறிப்பிடத்தக்கது.
