இஸ்ரேல் பிரதமர் பெஞ்சமின் நெதன்யாகு படுகொலை செய்யப்பட்டதாக ஈரான் ஊடகங்கள் தகவல் பரப்பிய நிலையில், தான் நலமுடன் இருப்பதை உறுதி செய்யும் வகையில் நெதன்யாகு வெளியிட்ட வீடியோ சமூக வலைதளங்களில் வைரலாகி வருகிறது.
இஸ்ரேலும் அமெரிக்காவும் இணைந்து ஈரான் மீது கடந்த மாதம் 28ம் தேதி தாக்குதலை தொடங்கின. இதையடுத்து, ஈரானும் பதில் தாக்குதல்களை நடத்தி வருகிறது. இஸ்ரேலும் அமெரிக்காவும் இணைந்து தாக்குதலை தொடங்கியதுமே ஈரான் உச்சத் தலைவர் அயதுல்லா அலி கமேனி கொல்லப்பட்டார். தற்போது போர் தீவிரமாக நடந்து வரும் நிலையில், இஸ்ரேல் பிரதமர் பெஞ்சமின் நெதன்யாகு படுகொலை செய்யப்பட்டதாக சமூக ஊடகங்களில் தகவல் பரவியது. இது தொடர்பாக வெளியான வீடியோவில், பெஞ்சமின் நெதன்யாகுவுக்கு ஒரு கையில் ஆறு விரல்கள் இருப்பது போல காட்டப்பட்டது. இதனையடுத்து, இந்தத் தகவல்கள் அனைத்தும் முற்றிலும் பொய்யானவை என்று இஸ்ரேல் பிரதமரின் அலுவலகம் அதிகாரப்பூர்வமாக அறிவித்தது. இந்நிலையில், தான் நலமுடன் இருப்பதை உறுதி செய்யும் வகையில் இஸ்ரேல் பிரதமர் நெதன்யாகு, காபி குடித்தபடி வெளியிட்ட வீடியோ சமூக வலைதளங்களில் வைரலாகி வருகிறது.
