அதிமுகவின் இறுதிக்கட்ட வேட்பாளர் பட்டியலை அக்கட்சியின் பொதுச்செயலாளர் எடப்பாடி பழனிசாமி வெளியிட்டுள்ளார்.
அதன்படி, சென்னை ஆயிரம் விளக்கு தொகுதியில் பா.வளர்மதி, அண்ணா நகர் தொகுதியில் எஸ்.கோகுல இந்திரா, சேப்பாக்கம் – திருவல்லிக்கேணி தொகுதியில் ஆதிராஜாராம், துறைமுகம் தொகுதியில் ராயபுரம் ஆர். மனோ ஆகியோர் போட்டியிடுகின்றனர்.
விருகம்பாக்கம் தொகுதியில் விருகை வி.என்.ரவி, தியாகராய நகர் தொகுதியில் பி.சத்தியநாராயணன், வேளச்சேரி தொகுதியில் எம்.கே.அசோக், சோழிங்கநல்லூரில் கே.பி.கந்தன் ஆகியோர் வேட்பாளர்களாக அறிவிக்கப்பட்டுள்ளனர்.
ஆர்.கே.நகர் தொகுதியில் ஆர்.எஸ்.ராஜேஷ், வில்லிவாக்கம் தொகுதியில் எஸ்.ஆர்.விஜயகுமார், ஆலந்தூர் தொகுதியில் எஸ்.சரவணன், கொளத்தூர் தொகுதியில் பி.சந்தானகிருஷ்ணன் ஆகியோர் போட்டியிடுகின்றனர்.
சென்னை திரு.வி.க.நகர் தனி தொகுதியில் பொற்கொடி ஆம்ஸ்ட்ராங், எழும்பூர் தனி தொகுதியில் அபிஷேக் ரங்கசாமி, கடலூர் திட்டக்குடி தனி தொகுதியில் என்.முருகுமாறன், விருதுநகர் திருச்சுழி தொகுதியில் எம்.எஸ்.ஆர்.ராஜவர்மன் ஆகியோர் போட்டியிடுவதாக இபிஎஸ் தெரிவித்துள்ளார்.
மேலும், சிவகங்கை ஆலங்குடி தொகுதியில் தன.விமல் போட்டியிடுவார் என, எடப்பாடி பழனிசாமி அறிவித்துள்ளார்.
