திமுக தலைவர் ஸ்டாலின் வருகையில் மாற்றம் ஏற்பட்டதால், விமான நிலையத்தில் திரண்டிருந்த கட்சி நிர்வாகிகள் மற்றும் தொண்டர்கள் ஏமாற்றத்துடன் திரும்பி சென்றனர்.
திமுக தலைவர் ஸ்டாலின் பேரனும், சட்டப்பேரவை எதிர்க்கட்சித் தலைவர் உதயநிதியின் மகனுமான இன்பநிதி, லண்டன் மான்செஸ்டர் நகரில் உள்ள பல்கலைக் கழகத்தில் விளையாட்டு மேம்பாடு தொடர்பான பட்டப்படிப்பை முடித்துள்ளார். பேரனின் பட்டமளிப்பு விழாவில் பங்கேற்பதற்காக 2 வாரங்களுக்கு முன்பு குடும்பத்தினருடன் லண்டன் புறப்பட்டு சென்ற ஸ்டாலின், இன்பநிதியின் பட்டமளிப்பு விழாவில் கலந்து கொண்டு வாழ்த்தினார்.
\அதன் பிறகு, சில நாட்கள் லண்டனில் ஓய்வெடுத்த ஸ்டாலின், தனது பயணத்தை முடித்துக் கொண்டு இன்று சென்னை திரும்புவார் என தெரிவிக்கப்பட்டிருந்தது. இதனால், சென்னை சர்வதேச விமான நிலையத்தில் காலை முதலே திமுகவினர் குவிய தொடங்கினர்.
இந்நிலையில், ஸ்டாலின் பயணம் செய்ய வேண்டிய விமானத்தை தவறவிட்டாதால், அவர் இரவு 8 மணிக்கு சென்னை திரும்புவார் என தெரிவிக்கப்பட்டது. இதனால், சென்னை விமான நிலையத்தில் திரண்டிருந்த நிர்வாகிகள் மற்றும் தொண்டர்கள் ஏமாற்றத்துடன் திரும்பி சென்றனர்.
