ஈரானில் யுரேனியம் செறிவூட்டும் தளத்திற்கு அருகே உள்ள பிக்காக்ஸ் மலை வளாகத்தின் மீது மிக விரைவில் தாக்குதல் நடத்தப்படும் என அமெரிக்க அதிபர் டிரம்ப் தெரிவித்துள்ளார்
வாஷிங்டனில் உள்ள வெள்ளை மாளிகையில் செய்தியாளர்களிடம் பேசிய அதிபர் டிரம்ப், ஈரான் மீது 11வது நாளாக அமெரிக்கா தாக்குதல் நடத்தி வருவதாகவும், ஈரான் அர்த்தமுள்ள பேச்சுவார்த்தைகளில் ஈடுபடத் தயாராகும் வரை, பேச்சுவார்த்தை நடத்த அமெரிக்காவுக்கு விருப்பம் இல்லை என கூறினார்.
ஈரான் ஒரு புதிய அணுசக்தி தளத்தை மீண்டும் அமைக்க முயற்சிக்கிறது என்றும், அவ்வாறு செய்தால் அந்தத் தளம் மீது அமெரிக்கா தாக்குதல் நடத்தும் எனவும் குறிப்பிட்டுள்ளார்.
மேலும், நாடான்ஸ் யுரேனியம் செறிவூட்டும் தளத்திற்கு அருகே உள்ள ஈரானின் பிக்காக்ஸ் மலை வளாகத்தின் மீது அமெரிக்கா மிக விரைவில் தாக்குதல் நடத்தவுள்ளதாக அதிபர் டிரம்ப் தெரிவித்துள்ளார்.
இதனிடையே, அமெரிக்காவுக்கு எதிரான போரில் ரஷ்யாவும் சீனாவும் ஈரானுக்கு உதவுகின்றன என அமெரிக்கப் பாதுகாப்புத் துறைச் செயலாளர் பீட் ஹெக்செத் குற்றம்சாட்டியுள்ளார்.
