திமுக, அதிமுக ஆகிய இரு கட்சிகளுக்கும் கொல்கத்தாவைச் சேர்ந்த டைகர் அசோசியேட்ஸ் லாட்டரி நிறுவனம், 2025-26-ம் நிதியாண்டில் 260 கோடி ரூபாய் நன்கொடை வழங்கியுள்ளது.
கொல்கத்தாவைச் சேர்ந்த டைகர் அசோசியேட்ஸ் நிறுவனம் திமுகவுக்கு 125 கோடியும், அதிமுகவுக்கு 135 கோடி ரூபாயும் வழங்கியுள்ளதாக தேர்தல் ஆணையத்தில் தாக்கல் செய்யப்பட்ட விவரங்களில் தெரிவிக்கப்பட்டுள்ளது.
2024-25-ம் நிதியாண்டில் இரு கட்சிகளுக்கும் சேர்த்து 110 கோடி ரூபாய் வழங்கிய நிலையில், நடப்பு நிதியாண்டில் நன்கொடை இரு மடங்குக்கும் மேல் அதிகரித்துள்ளது.
இரு நிதியாண்டுகளையும் சேர்த்து, திமுக மற்றும் அதிமுகவுக்கு இந்நிறுவனம் மொத்தம் 370 கோடி ரூபாய் வழங்கியுள்ளது.
மேலும், புருடென்ட் எலக்டோரல் டிரஸ்ட் திமுகவுக்கு 25 கோடி ரூபாய் நன்கொடை வழங்கியுள்ளதாகவும் தெரிவிக்கப்பட்டுள்ளது.
