டெல்லியில், சின்மயா அமிர்த மகோத்சவ உலக மாநாட்டை பிரதமர் நரேந்திர மோடி தொடங்கி வைத்தார்.
சின்மயா மிஷனின் 75-வது ஆண்டு விழா டெல்லி பாரத் மண்டபத்தில் கோலாகலமாக கொண்டாடப்பட்டது. இதையொட்டி, சின்மயா அமிர்த மகோத்சவ உலக மாநாட்டை பிரதமர் நரேந்திர மோடி தொடங்கி வைத்தார். இதில், சுவாமி சின்மயானந்தாவின் முப்பரிமாண ஹோலோகிராமை பிரதமர் மோடி திறந்து வைத்து, ஹோலோகிராம் உருவத்துடன் கலந்துரையாடினார்.
தொடர்ந்து உரையாற்றிய பிரதமர் நரேந்திர மோடி, புதிய இந்தியாவின் தேவைகளுக்கு ஏற்ப கல்வி முறையை மாற்றியமைக்க வேண்டும் என தெரிவித்தார். புதிய கல்விக் கொள்கையில் பாரம்பரிய அறிவு மரபு, தாய்மொழி வழிக் கல்வி உள்ளிட்டவைக்கு முக்கியத்துவம் அளிக்கப்பட்டுள்ளதாகவும் குறிப்பிட்டார்.
