யூனியன் பிரதேசமான லடாக்கில் இராணுவ வாகனம் கவிழ்ந்ததில் 9 இராணுவ வீரர்கள் உயிரிழந்த சம்பவம் பெரும் சோகத்தை ஏற்படுத்தி இருக்கிறது.
யூனியன் பிரதேசமான ஜம்மு காஷ்மீரின் கரு காரிஸன் பகுதியிலிருந்து லடாக் யூனியன் பிரதேசத்தின் தலைநகரான லே பகுதியிலுள்ள கியாரிக்கு இராணுவ வாகனம் ஒன்று நேற்று மாலை சென்று கொண்டிருந்தது. இந்த வாகனம் கியாரி நகருக்கு 7 கி.மீ. தொலைவில் சென்று கொண்டிருந்தபோது, திடீரென சறுக்கி பள்ளத்தாக்கு பகுதியில் கவிழ்ந்தது. இவ்விபத்தில் இராணுவ வாகனத்தில் பயணம் செய்த 9 வீரர்கள் உயிரிழந்தனர்.
உயிரிழந்த இராணுவ வீரர்களுக்கு குடியரசுத் தலைவர் திரௌபதி முர்மு, குடியரசுத் துணை தலைவர் ஜெகதீப் தன்கர், பிரதமர் நரேந்திர மோடி மற்றும் மத்திய அமைச்சர்கள் இரங்கல் தெரிவித்துள்ளனர்.
பிரதமர் மோடி விடுத்துள்ள இரங்கல் செய்தியில், “லே அருகே நடந்த விபத்தில் இந்திய ராணுவ வீரர்களை இழந்து தவிக்கிறோம். அவர்கள் தேசத்துக்கு ஆற்றிய சேவை எப்போதும் நினைவுகூரப்படும். உயிரிழந்த இராணுவ வீரர்களின் குடும்பத்தினருக்கு எனது ஆழ்ந்த அனுதாபங்களை தெரிவித்துக் கொள்கிறேன். காயமடைந்தவர்கள் விரைவில் குணமடைய வேண்டிக் கொள்கிறேன்” என்று தெரிவித்திருக்கிறார்.
குடியரசுத் தலைவர் திரௌபதி முர்மு விடுத்துள்ள இரங்கல் செய்தியில், “லடாக் விபத்து பற்றிய செய்தியை அறிந்து மிகுந்த வேதனை அடைந்தேன். உயிரிழந்த இராணுவ வீரர்களின் தன்னலமற்ற தியாகத்திற்கு தேசம் நன்றி சொல்ல கடமைப்பட்டிருக்கிறது” என்று தெரிவித்திருக்கிறார்.
Deeply anguished to learn that a road accident in Leh led to loss of lives of Indian Army personnel. I convey my heartfelt condolences to the bereaved families. May God give them strength to bear this tragedy. I pray for the speedy recovery of the injured. The nation owes a great…
— President of India (@rashtrapatibhvn) August 19, 2023
அதேபோல, மத்திய உள்துறை அமைச்சர் அமித்ஷா வெளியிட்டிருக்கும் இரங்கல் செய்தியில், “லடாக் விபத்தில் நமது வீரமிக்க வீரர்களை இழந்திருக்கிறோம். இந்த துயரமான நேரத்தில் உயிரிழந்த குடும்பங்களுடன் ஒட்டுமொத்த தேசமும் தோளோடு தோல் நிற்கும். உயிரிழந்த வீரர்களுக்கு எனது ஆழ்ந்த இரங்கல்களை தெரிவித்துக் கொள்கிறேன். காயமடைந்தவர்கள் விரைவில் குணமடைய வேண்டுகிறேன்” என்று தெரிவித்திருக்கிறார்.
Deeply saddened by the tragic road accident in Ladakh in which we lost our valiant soldiers, as their vehicle fell into a gorge. The entire nation stands shoulder to shoulder with the bereaved families in this hour of grief. My sincerest condolences to them. May the injured…
— Amit Shah (@AmitShah) August 19, 2023