நிலவை வென்றுவிட்டோம், நாட்டு மக்களுக்கு நன்றியையும் வாழ்த்துக்களையும் தெரிவித்துக்கொள்கிறேன் என பிரதமர் மோடி மகிழ்ச்சியுடன் வாழ்த்துத் தெரிவித்தார்.
தென் ஆப்ரிக்காவுக்கு பிரிக்ஸ் மாநாட்டில் பங்கேற்பதற்காக சென்றுள்ள பிரதமர் மோடி, சந்திரயான்-3 நிலவில் தரையிறங்கும் நிகழ்வை காணொலி வாயிலாக நேரலையில் பார்வையிட்டார். வெற்றிகரமாக விக்ரம் லேண்டர் தரையிறங்கியதும் தேசியக்கொடியை அசைத்து தனது மகிழ்ச்சிச்யை வெளிப்படுத்தினார்.
பின்னர் பேசிய பிரதமர் மோடி:
நிலவை வென்று விட்டோம். நாட்டு மக்களுக்கு நன்றியையும் வாழ்த்துக்களையும் தெரிவித்துத் கொள்கிறேன். இந்தியா வரலாற்று சாதனை படைத்துள்ளது. இந்த மாபெரும் வெற்றிக்கு உழைத்த இஸ்ரோ விஞ்ஞானிகளுக்கு பாராட்டுக்கள் எனவும் சந்திரயான்-3 ஒட்டுமொத்த மனித குலத்திற்கு கிடைத்த வெற்றி. நமது கண்முன்னே இந்தியா வல்லரசாகி உள்ளது.
இந்த வெற்றியின் மூலம் புதிய இந்தியா உருவாகி உள்ளது. இந்த நாளை நாடு எப்போதும் நினைவில் வைத்திருக்கும். இந்த தருணம் 140 கோடி மக்களுக்கு அர்ப்பணிக்கப்பட்டத் தருணம்.
இந்தியா நிலவில் காலடி எடுத்து வைத்துள்ளது ஒட்டுமொத்த மக்களையும் மகிழ்ச்சி அடையச் செய்துள்ளது. இந்தியாவின் வெற்றியை உலக நாடுகள் பார்த்துக் கொண்டு இருக்கிறது. இவ்வாறு பிரதமர் வாழ்த்துத் செய்தியில் தெரிவித்து உள்ளார்.
