தனது சார்பாக இந்திய அணி கோப்பையை வென்றிருப்பதை அதிர்ஷ்டமாக கருதுகிறேன் என இந்திய அணியின் தலைமை பயிற்சியாளர் ராகுல் டிராவிட் தெரிவித்துள்ளார்.
டி20 உலகக்கோப்பை கிரிக்கெட் தொடரின் இறுதிப்போட்டியில் தென் ஆப்பிரிக்க அணியை வீழ்த்தி இந்திய அணி கோப்பையை வென்றது.
இது குறித்து இந்திய அணியின் தலைமை பயிற்சியாளர் ராகுல் டிராவிட் செய்தியாளர்களை சந்தித்தார். அப்போது பேசிய அவர், ஒரு கிரிக்கெட் வீரராக கோப்பையை வெல்லும் வாய்ப்பு தனக்கு கிடைக்காமல் போனாலும், சிறந்த ஆட்டத்தை வெளிப்படுத்தி உள்ளதாக தெரிவித்தார்.
இந்திய வீரர்களுக்கு பயிற்சியளிக்கும் வாய்ப்பு கிடைத்ததை பெருமையாக கருதுவதாகவும் அவர் தெரிவித்தார். தொடர்ந்து பேசிய அவர், இந்த வெற்றிக்காக 2 வருடங்களாக கடுமையாக உழைத்திருப்பதாகவும் குறிப்பிட்டார்.
