வரும் 2047-ஆம் ஆண்டுக்குள் வளர்ச்சியடைந்த பாரதத்தை உருவாக்கும் முனைப்பில், புதிய இந்தியாவுக்கான பட்ஜெட் தாக்கல் செய்யப்பட்டிருப்பதாக மத்திய வர்த்தகம் மற்றும் தொழில்துறை அமைச்சர் பியூஷ் கோயல் தெரிவித்தார்.
மத்திய பட்ஜெட் குறித்து டெல்லியில் செய்தியாளர்களிடம் கருத்து தெரிவித்த அவர்,
மத்திய பட்ஜெட் பொருளாதாரத்தின் மீது சாதகமான தாக்கத்தை ஏற்படுத்துவது மட்டுமன்றி, புத்தாக்கத்துக்கும், உள்ளார்ந்த வளர்ச்சிக்கும் ஊக்கமளிப்பதாக அமைந்துள்ளதாக புகழாரம் சூட்டினார்.
மேலும் ஒன்பது துறைகளுக்கு நிதியமைச்சர் முக்கியத்துவம் கொடுத்து, இளைஞர்கள் திறன் மேம்பாட்டு பயிற்சி மூலம் வேலைவாய்ப்பு பெறுவதை நோக்கமாகக் கொண்டு, எதிர்காலத்துக்குத் தெளிவான பாதை வகுக்கப்பட்டிருப்பதாகவும் பியூஷ் கோயல் பாராட்டு தெரிவித்தார்.
உற்பத்தி, சேவை மற்றும் சுற்றுலா துறையை ஊக்குவித்து உள்நாட்டிலும், வெளிநாட்டிலும் இந்தியாவை திறன்வாய்ந்த போட்டியாளராக உருவாக்க பட்ஜெட் அடித்தளமிடுவதாகவும் அவர் குறிப்பிட்டார்.
