வரும் 5ஆம் தேதி மத்திய மேற்கு மற்றும் அதனை ஒட்டிய வடமேற்கு வங்கக் கடலில் குறைந்த காற்றழுத்த தாழ்வு பகுதி உருவாக கூடும் என்று இந்திய வானிலை ஆய்வு மையம் தெரிவித்துள்ளது.
தமிழகம், புதுச்சேரி மற்றும் காரைக்கால் பகுதிகளில் அடுத்த 7 நாட்களுக்கு பரவலாக மழை பெய்ய வாய்ப்புள்ளது என இந்திய வானிலை ஆய்வு மையம் தெரிவித்துள்ளது. மேலும், கேரளா, மாஹேவிலும் இன்று கனமழை பெய்யுமெனவும் குறிப்பிடப்பட்டுள்ளது.
இன்று குஜராத் மாநிலத்திற்கு அதி கனமழைக்கான சிவப்பு நிற எச்சரிக்கையும் விடுக்கப்பட்டுள்ளது. அதே போல மேற்கு மத்தியபிரதேசத்தில் இன்று மிக கனமழைக்கான வாய்ப்புள்ளது எனவும் அறிவுறுத்தப்பட்டுள்ளது.
கடலோர கர்நாடகா, உள் கர்நாடகா, லட்சத்தீவு, ஆந்திரா, ஏனாம் தெலங்கானா, ராயலசீமா உள்ளிட்ட பகுதிகளின் அடுத்த ஒரு வாரத்திற்கு லேசானது முதல் மிதமான மழைக்கு வாய்ப்புள்ளது எனவும் இந்திய வானிலை ஆய்வு மையம் தெரிவித்துள்ளது.
வரும் 5ஆம் தேதி மத்திய மேற்கு மற்றும் அதனை ஒட்டிய வடமேற்கு வங்கக் கடலில் குறைந்த காற்றழுத்த தாழ்வு பகுதி உருவாக கூடும் எனவும் குறிப்பிடப்பட்டுள்ளது.
