கள்ளக்குறிச்சியில் அரசு பேருந்து முன் பக்க கண்ணாடி இல்லாமல் இயக்கப்பட்ட வீடியோ வெளியாகி அதிர்ச்சியை ஏற்படுத்தியுள்ளது.
கள்ளக்குறிச்சியில் இருந்து கூத்தக்குடி வழித்தடத்தில் வியாழக்கிழமை இரவு வழக்கம் போல் அரசு பேருந்து இயக்கப்பட்டது. இந்த நிலையில், முன் பக்க கண்ணாடி இல்லாமல் ஆபத்தான முறையில் அரசு பேருந்து இயக்கப்பட்டதால் பயணிகள் அச்சமடைந்தனர்.
தீபாவளியையொட்டி அந்த பேருந்தில் கூட்ட நெரிசலும் அதிகரித்து காணப்பட்டது. அரசு போக்குவரத்துக் கழகம் காலாவதியான பேருந்துகளை இயக்கி தங்கள் உயிருடன் விளையாடி வருவதாக பயணிகள் குற்றம் சாட்டியுள்ளனர். இது தொடர்பான வீடியோ இணையத்தில் வெளியான நிலையில் பலரும் போக்குவரத்துக் கழக நிர்வாகத்தை விமர்சித்து வருகின்றனர்
