சேலம் மாவட்டம் வாழப்பாடி அரசு மருத்துவமனையில் போலீசாருடன் வாக்குவாதத்தில் ஈடுபட்ட மருத்துவர் மாயமானது குறித்து போலீசார் விசாரணை மேற்கொண்டு வருகின்றனர்.
கொலை வழக்கில் தொடர்புடைய 7 பேரை மருத்துவ பரிசோதனைக்காக வாழைப்பாடி அரசு மருத்துவமனைக்கு போலீசார் அழைத்து சென்றனர். அப்போது பணியில் இருந்த மருத்துவர் செந்தில்குமார், போலீசாருடன் வாக்குவாதத்தில் ஈடுபட்டார்.
இதுதொடர்பான வீடியோ வைரலான நிலையில் செந்தில்குமார் மீது போலீசார் வழக்குப்பதிவு செய்ய தயாராயினர்.
அப்போது, போலீசார் தம்மை தாக்கியதாக கூறி செந்தில்குமார் சேலம் அரசு மருத்துவமனையில் சிகிச்சைக்கு சேர்ந்தார். இதனையடுத்து மருத்துவமனையில் இருந்து செந்தில்குமார் மாயமான நிலையில் போலீசார் அவரை தீவிரமாக தேடி வருகின்றனர்.
