வங்கக்கடலில் நிலவிய ஆழ்ந்த காற்றழுத்தத் தாழ்வு மண்டலம் காரணமாக தஞ்சையில் பெய்த தொடர் மழையால் 75 வீடுகள் இடிந்து விழுந்து சேதமடைந்தன.
வங்கக்கடலில் நிலவிய ஆழ்ந்த காற்றழுத்தத் தாழ்வு மண்டலம் காரணமாக, தஞ்சை மாவட்டம் முழுவதும் கடந்த 2 நாட்களாக மழை பெய்தது. இதனால் பட்டுக்கோட்டை, அய்யம்பேட்டை, மஞ்சளாறு உள்ளிட்ட பல்வேறு பகுதிகளில் நீர் தேங்கி நிற்பதால், பொதுமக்களின் இயல்பு வாழ்க்கை பாதிக்கப்பட்டுள்ளது.
இந்நிலையில் தற்போது வரை மழையின் காரணமாக மாவட்டம் முழுவதும் 75 வீடுகள் இடிந்து விழுந்து சேதமடைந்துள்ளன. இதனால் ஏழை, எளிய மக்கள் வசிக்க வீடு இன்றி தவிக்கும் சூழலுக்குத் தள்ளப்பட்டுள்ளனர். ஆகையால், சேதமடைந்த வீடுகளின் உரிமையாளர்களுக்கு இழப்பீடு வழங்க நடவடிக்கை எடுக்க வேண்டும் என கோரிக்கை எழுந்துள்ளது.
