கடுமையான பனிப்பொழிவு, உடலை நடுங்கச் செய்யும் குளிர்… எங்கு பார்த்தாலும் பனிதான்… இந்த சூழலில், ஜம்மு காஷ்மீர் மாநிலம் ஜப்தி கிராமத்தைச் சேர்ந்த 26 வயது கர்ப்பிணிக்கு திடீர் நலக்குறைவு..
சாலைகள் அனைத்தும் பனியால் மூடப்பட்டிருந்ததால் மருத்துவமனைக்கு அழைத்துச் செல்ல முடியாமல் குடும்பத்தினர் பரிதவித்துப் போயிருந்தனர்…
இக்கட்டான சூழ்நிலை குறித்து அறிந்த நமது ராணுவ வீரர்கள், கர்ப்பிணியின் வீட்டிற்கு விரைந்தனர்..
வாகனங்கள் செல்ல முடியாத நிலையை உணர்ந்த ராணுவ வீரர்கள், கர்ப்பிணியை தோளில் சுமந்தபடி, பனி படர்ந்த பாதையை கடக்க துவங்கினர்.
சில கிலோ மீட்டர்கள் பாதை நீள, இறுதியில், கர்ப்பிணியை மருத்துவமனையில் சேர்த்தனர்.
உரிய நேரத்தில் ராணுவ வீரர்கள் அளித்த உதவியை கர்ப்பிணியை காப்பாற்றியதோடு, தன்னலமற்ற ராணுவத்தின் சேவையையும் நாட்டிற்கு உணர்த்தியது.
