இந்தியாவின் நீண்டகால பிரதமராக பணிபுரிந்தவர் என்ற சாதனையை புரிந்த பிரதமர் நரேந்திர மோடிக்கு, மத்திய அமைச்சர் எல்.முருகன் வாழ்த்து தெரிவித்துள்ளார்.
இதுகுறித்து தனது எக்ஸ் பக்கத்தில் பதிவிட்டுள்ள அவர், தொடர்ச்சியாக 4,399 நாட்கள் பணியாற்றி மிக நீண்ட காலம் பிரதமராக பதவி வகித்தவர் என்ற வரலாற்றுச் சாதனையை மோடி படைத்துள்ளதாக கூறியுள்ளார்.
பிரதமர் மோடியின் சாதனை நமது தேசத்தின் சரித்திரத்தில் மாபெரும் மைல்கல் என கூறியுள்ள எல்.முருகன்,
இது வளர்ச்சியடைந்த பாரதம் என்ற நீண்ட நெடிய பயணத்தின் முக்கிய அடையாளம் எனவும் தெரிவித்துள்ளார்.
மேலும், கடந்த 12 ஆண்டுகளில் நாடு கண்ட மிகப்பெரும் மாற்றங்களின் மையப்புள்ளியாக திகழ்பவர் பிரதமர் மோடி எனவும் மத்திய அமைச்சர் எல்.முருகன் கூறியுள்ளார்.
