விஜய் ஹசாரே கோப்பை கிரிக்கெட்: அரியானா இறுதிப்போட்டிக்கு தகுதி!

விஜய் ஹசாரே கிரிக்கெட் கோப்பையில் அரியானா அணி 63 ரன்கள் வித்தியாசத்தில் தமிழகத்தை வீழ்த்தி அரையிறுதிக்கு தகுதி பெற்றுள்ளது.

விஜய் ஹசாரே கோப்பைக்கான ஒருநாள் கிரிக்கெட் போட்டி இந்தியாவில் நடைபெற்று வருகிறது. மொத்தம் 38 அணிகள் பங்கேற்றுள்ளது. இதன் அரையிறுதி போட்டி நேற்று நடைபெற்றது.

சௌராஷ்டிரா கிரிக்கெட் சங்க மைதானத்தில் நடைபெற்றத போட்டியில் தமிழகம் மற்றும் அரியானா அணிகள் மோதின. டாஸ் வென்ற அரியானா அணி முதலில் பேட்டிங்கை தேர்வு செய்தது.

அதன்படி அரியானா அணியின் தொடக்க வீரர்களாக யுவராஜ் சிங் மற்றும் அங்கித் குமார் களமிறங்கினர். இதில் அங்கித் குமார் 12 ரன்களில் ஆட்டமிழக்க அடுத்ததாக ஹிமான்ஷு ராணா களமிறங்கினார்.

ராணா மற்றும் யுவராஜ் கூட்டணி சிறப்பாக விளையாடி ரன்களை குவித்து வந்தது. இதில் யுவராஜ் சிங் 29 வது ஓவரில் 65 ரன்களுக்கு ஆட்டமிழந்தார். அவரைத் தொடர்ந்து களமிறங்கிய வீரர்கள் சொற்ப ரன்களில் ஆட்டமிழந்தனர். அப்போது 7 வது விக்கெட்டிற்கு களமிறங்கிய சுமித் குமார் சிறப்பாக விளையாடி க 48 ரன்களில் கடைசி ஓவரில் ஆட்டமிழந்தார்.

ஆரம்பத்தில் களமிறங்கிய அதிரடியாக விளையாடிய ராணா 11 பௌண்டரீஸ் மற்றும் 2 சிக்சர்களை அடித்து மொத்தமாக 118 பந்துகளில் 116 ரன்களை எடுத்து கடைசிவரை ஆட்டமிழக்காமல் இருந்தார்.

இறுதியாக 50 ஓவரிகள் முடிவில் அரியானா அணி 7 விக்கெட்கள் இழப்பிற்கு 293 ரன்களை எடுத்தது. தமிழகம் சார்பில் அதிகபட்சமாக நடராஜ் 3 விக்கெட்களும், வருண் சக்கரவர்த்தி மற்றும் சாய் கிஷோர் தலா 2 விக்கெட்களை வீழ்த்தினர்.

294 ரன்கள் எடுத்தால் வெற்றி என்ற இலக்குடன் தமிழக அணியின் பாபா ஆபர்ஜீத் மற்றும் நாராயண் ஜெகதீசன் களமிறங்கினர். இதில் பாபா ஆபர்ஜீத் 7 ரன்களுக்கு ஆட்டமிழந்தார். அவரைத் தொடர்ந்து களமிறங்கிய நிஷாந்த் 1 ரன்களில் ஆட்டமிழக்க பின்பு களமிறங்கிய விஜய் ஷங்கர் சிறப்பாக விளையாடி வந்த நிலையில் 23 ரன்களில் ரன் அவுட் ஆகி வெளியேறினார்.

பின்பு நிதானமாக விளையாடி வந்த நாராயண் ஜெகதீசன் 30 ரன்களில் ஆட்டமிழந்தார். அப்போது அணியின் ஸ்கோர் 74 ஆக இருந்தது. அப்போது தமிழக அணிக்கு நம்பிக்கை நட்சத்திரமாக தினேஷ் கார்த்தி மற்றும் இந்திரஜித் திகழ்ந்தனர்.

இதில் தினேஷ் கார்த்தி 31 ரன்களில் ஆட்டமிழக்க சிறப்பாக விளையாடி வந்த இந்திரஜித் 64 ரன்களில் ஆட்டமிழந்தார். அதேபோல் சாய் கிஷோர் 29 ரன்கள் எடுத்து ஆட்டமிழந்தார். இறுதியாக 48 வது ஓவரில் தமிழக அணி அனைத்து விக்கெட்களையும் இழந்து 230 ரன்கள் மட்டுமே எடுத்து அரையிறுதி வாய்ப்பை இழந்தது.

அரியானா சார்பில் அன்ஷூல் 4 விக்கெட்டுகளை வீழ்த்தினார். ராகுல் 2 விக்கெட்களும், சுமித், நிஷாந்த் மற்றும் ஹர்ஷல் ஆகியோர் தலா 1 விக்கெட்களை வீழ்த்தினர். இதனால் அரியானா அணி 63 ரன்கள் வித்தியாசத்தில் தமிழகத்தை வீழ்த்தி அரையிறுதிக்கு தகுதி பெற்றது.