வியட்நாம் பிரதமர் பாம்மின் சின்க்கு குடியரசுத் தலைவர் மாளிகையில் உற்சாக வரவேற்பு அளிக்கப்பட்டது.
3 நாள் அரசுமுறை பயணமாக வியட்நாம் பிரதமர் பாம் மின் சின் டெல்லி வந்துள்ளார். குடியரசுத் தலைவர் மாளிகை வந்த பாம் மின் சின்வுக்கு பாரம்பரிய முறைப்படி அவருக்கு உற்சாக வரவேற்பு அளிக்கப்பட்டது.
பாம் மின் சின்-ஐ வரவேற்ற பிரதமர் மோடி, அவரை கட்டியணைத்து அன்பை வெளிப்படுத்தினார். இதனை தொடர்ந்து ராணுவ அணிவகுப்பு மரியாதையை வியட்நாம் பிரதமர் பாம் மின் சின் ஏற்றுக் கொண்டார்.
இந்த நிகழ்ச்சியில் மத்திய அமைச்சர்கள் ஜெய்சங்கர், கிரண் ரிஜிஜு, அனுப்ரியா படேல், சர்பானந்தா சோனோவால் ஆகியோர் கலந்து கொண்டனர். இதனை அடுத்த பிரதமர் மோடி மற்றும் பாம்மின் சின் ஆகியோர் இரு நாடுகளின் பிரதிநிதிகளை சந்தித்தனர்.
இதனை தொடர்ந்து டெல்லி ராஜ்காட்டில் உள்ள மகாத்மா காந்தி நினைவிடத்தில் வியட்நாம் பிரதமர் பாம் மின் சின் மலர் தூவி மரியாதை செலுத்தினார்.
இதனை அடுத்து, டெல்லியில் உள்ள ஹைதராபாத் இல்லத்தில் பிரதமர் மோடியும், வியட்நாம் பிரதமர் பாம் மின் சின்னும் இருதரப்பு பேச்சுவார்த்தை நடத்தினர். இதில், இந்தியா-வியட்நாம் இடையேயான கூட்டாண்மை உறவுகளை மேலும் வலுப்படுத்த இருவரும் ஆலோசனை நடத்தியதாக தெரிவிக்கப்பட்டுள்ளது.
