ஏற்காட்டில் பல்வேறு பகுதிகளில் மரங்கள் முறிந்து விழுந்ததால், மலைக் கிராமங்களுக்கான போக்குவரத்து மற்றும் மின்வினியோகம் துண்டிக்கப்பட்டது.
சேலம் மாவட்டம் ஏற்காட்டில் கடந்த 4 நாட்களாக பெய்து வரும் தொடர் கனமழை காரணமாக, மலைப்பாதையில் பல்வேறு கொண்டை ஊசி வளைவுகளில் மரங்கள் வேரோடு முறிந்தன. இதனால், போக்குவரத்து துண்டிக்கப்பட்டது.
தகவல் அறிந்து சம்பவ இடத்திற்கு சென்ற நெடுஞ்சாலைத்துறை, வருவாய்த்துறை மற்றும் தீயணைப்புத்துறையினர் மரங்களை அகற்றினர். இதனால், போக்குவரத்து மீண்டும் துவங்கியது.
இருப்பினும், சாலையில் சாய்ந்த மரங்களை அகற்றாததால், மலை கிராமங்களான தலைசோலை, கொம்புதூக்கி உட்பட 16 கிராமங்களுக்கு போக்குவரத்து முற்றிலும் தடைபட்டுள்ளது. மேலும், மரங்கள் மின் கம்பங்களில் மேல் விழுந்ததால், மின் இணைப்பும் துண்டிக்கப்பட்டுள்ளது. இதனால் மலை கிராம மக்கள் அவதி அடைந்துள்ளனர்.
