ரஜினிகாந்த் நடித்த பாட்ஷா திரைப்படம் மறுவெளியீட்டிலும் ரசிகர்களிடம் நல்ல வரவேற்பைப் பெற்று வருகிறது.
சுரேஷ் கிருஷ்ணா இயக்கத்தில், ரஜினிகாந்த் நடிப்பில் கடந்த 1995-ம் ஆண்டு வெளியான பாட்ஷா திரைப்படம் மிகப்பெரிய ஹிட் அடித்தது.
இந்த படத்தில் ரகுவரன், நக்மா உள்ளிட்டோர் முக்கிய கதாப்பாத்திரத்தில் நடித்திருந்தனர். இன்றும் படத்தில் இடம்பெற்ற தேவாவின் பின்னணி இசை மற்றும் பாடல்கள் ரசிக்கப்படுகின்றன.
இந்நிலையில் பாட்ஷா திரைப்படம் வெளியாகி 30 ஆண்டுகள் நிறைவடைந்ததைத் தொடர்ந்து கடந்த வெள்ளிக்கிழமை மறு வெளியீடானது.
இதனையடுத்து ரஜினி ரசிகர்கள் பலரும் குடும்பத்துடன் பாட்ஷா திரைப்படத்துக்குச் சென்று கொண்டாடி வருகின்றனர்.
