உடல்நலக் குறைவு காரணமாக மருத்துவமனையில் சிகிச்சை பெற்று வரும் பாஜக மூத்த தலைவர் ஹெச்.ராஜாவை, கட்சியின் தேசிய பொதுக்குழு உறுப்பினர் அண்ணாமலை நேரில் சந்தித்து நலம் விசாரித்தார்.
பாஜக மூத்த தலைவர் ஹெச்.ராஜா உடல்நலக் குறைவு காரணமாக சென்னையில் உள்ள தனியார் மருத்துவமனையில் சிகிச்சை பெற்று வருகிறார். அவரை பல்வேறு அரசியல் கட்சி தலைவர்கள் நேரில் சந்தித்து நலம் விசாரித்து வருகின்றனர். அந்த வகையில் பாஜக தேசிய பொதுக்குழு உறுப்பினர் அண்ணாமலை நேரில் சந்தித்து நலம் விசாரித்தார். இதுதொடர்பாக அவர் வெளியிட்டுள்ள எக்ஸ் பதிவில், உடல்நலக் குறைவால் சிகிச்சை பெற்று வரும் ஹெச்.ராஜாவின் உடல்நிலையில் நல்ல முன்னேற்றம் இருப்பதாகவும், அவரை சந்தித்ததில் மகிழ்ச்சி எனவும் தெரிவித்துள்ளார். ஹெச்.ராஜா விரைவில் குணமடைந்து வீடு திரும்புவதே அனைவரின் எதிர்பார்ப்பு எனக் கூறியுள்ள அண்ணாமலை, ஓய்வின்றி உழைத்த ஹெச்.ராஜாவுக்கு இந்த ஓய்வு சிறந்த உத்வேகமாக அமையும் என்றும் பதிவிட்டுள்ளார்.
