தவெகவுடன் காங்கிரஸ் கூட்டணி வைத்தால், அக்கட்சிக்கு 70 தொகுதிகள் மற்றும் துணை முதல்வர் பதவி வழங்க முடிவு செய்யப்பட்டுள்ளதாக தகவல் வெளியாகி உள்ளது.
தமிழக சட்டப்பேரவை தேர்தலுக்கு இன்னும் ஓரிரு மாதங்களே உள்ள நிலையில், திமுக- காங்கிரஸ் கூட்டணி இன்னும் இறுதி செய்யப்படாமல் உள்ளது.
இந்த நிலையில், தவெகவுடன் கூட்டணியில் இணைய தமிழக காங்கிரசின் ஒரு தரப்பினர் தொடர்ந்து முனைப்பு காட்டி வருகின்றனர்.
இதுதொடர்பாக அவர்கள், டெல்லியிலுள்ள காங்கிரஸ் தலைமையிடம் தொடர்ந்து பேச்சுவார்த்தை நடத்தி வருகின்றனர்.
இந்த நிலையில் காங்கிரசுடன் தவெகவின் முக்கிய நிர்வாகிகள், மீண்டும் கூட்டணி தொடர்பாக பேச்சுவார்த்தை நடத்தியதாக தகவல் வெளியாகி உள்ளது.
அதில் தங்களுடன் காங்கிரஸ் கூட்டணி வைத்தால், 70 தொகுதிகள், துணை முதலமைச்சர் பதவி மற்றும் 6 அமைச்சர் பதவிகள் வழங்கப்படும் என பேச்சுவார்த்தை நடத்தியதாக தகவல் வெளியாகி உள்ளது.
இது கறித்து ஒரு வாரத்தில் பதிலளிக்க காங்கிரசுக்கு, தவெக காலக்கெடு நிர்ணயித்துள்ளதாக கூறப்படுகிறது.
