அரசுப் பணியை ராஜினாமா செய்பவர்களுக்கு 8 மாத சம்பளம் வழங்கப்படும் என அமெரிக்க அரசு அறிவித்துள்ளது.
இதுதொடர்பாக 20 லட்சம் ஊழியர்களுக்கு அனுப்பப்பட்ட இ-மெயிலில், அரசாங்கத்தில் நம்பகமான ஆட்களை பணியமர்த்த வேண்டும் என அதிபர் ட்ரம்ப் விரும்புவதாக தெரிவிக்கப்பட்டுள்ளது.
ஆகவே, ட்ரம்ப் நிர்வாகத்தின் கீழ் பணியாற்ற விரும்பாத ஊழியர்கள் தங்கள் பணியை ராஜினாமா செய்யலாம் எனவும், ராஜினாமா செய்யும் ஊழியர்களுக்கு 8 மாத ஊதியம் முழுமையாக வழங்கப்படும் எனவும் தெரிவிக்கப்பட்டுள்ளது.
ராணுவம், தபால் சேவை, சுகாதாரம் உள்பட சில துறைகளுக்கு இந்த உத்தரவு பொருந்தாது எனவும் குறிப்பிடப்பட்டுள்ளது.
