தவெக தலைவர் விஜய், அடுத்தவர் குதிரையில் சவாரி செய்வதாக அதிமுக விமர்சித்துள்ளது.
இதுதொடர்பாக அதிமுக ஐடி விங் வெளியிட்டுள்ள அறிக்கையில், விஜய் நடிப்பிலும் ரஜினி, விஜயகாந்தை பார்த்து காப்பியடித்ததாகவும், அரசியலிலும் அண்ணா, எம்ஜிஆர், ஜெயலலிதா ஆகியோரை இரவல் பெற்று ஸ்டிக்கர் ஒட்டிக் கொண்டுள்ளதாகவும் விமர்சிக்கப்பட்டுள்ளது.
மேலும், விஜய் படங்களின் முதல் காட்சி டிக்கெட் இரண்டாயிரம் ரூபாய்க்கு விற்றதெல்லாம் கொள்ளை இல்லையா? எனக் கேள்வி எழுப்பிய அதிமுக, மற்ற கட்சிகளில் தூக்கி எறியப்பட்டவர்களை சேர்த்துக்கொண்டு கட்சி என்ற பெயரில் விஜய் ஒரு வாட்ஸ்அப் குழு நடத்தி வருவதாகவும் அதிமுக ஐடி விங் சரமாரியாக விமர்சித்துள்ளது.
