கும்மிடிப்பூண்டி அருகே திமுக வேட்பாளரை வரவேற்க தொண்டர்கள் பட்டாசு வெடித்தபோது பெண் ஒருவருக்கு காயம் ஏற்பட்டது.
திருவள்ளூர் மாவட்டம், கும்மிடிப்பூண்டி சட்டமன்ற தொகுதி திமுக வேட்பாளர் டி.ஜே.கோவிந்தராஜன் பெரியபாளையம் பேருந்து நிலையத்தில் உள்ள அம்பேத்கரின் சிலைக்கு மாலை அணிவித்து மரியாதை செலுத்த வருகை தந்தார்.
அப்போது, திமுக வேட்பாளரை பட்டாசு வெடித்து அக்கட்சியினர் வரவேற்ற நிலையில், பேருந்துக்காக காத்திருந்த பெண்ணின் காலில் பட்டாசு பட்டு காயம் ஏற்பட்டுள்ளது.
உடனடியாக, அங்கிருந்தவர்கள் காயமடைந்த பெண்ணை தனியார் மருத்துவமனைக்கு அழைத்து சென்றனர்.
இதனை அறிந்த திமுக வேட்பாளர் டி.ஜே.கோவிந்தராஜன் மருத்துவமனைக்கு நேரில் சென்று வருத்தம் தெரிவித்தார்.
