புதுச்சேரி காமராஜர் நகர் தொகுதியில் லட்சிய ஜனநாயக கட்சி வேட்பாளர் ஜோஸ் சார்லஸ் மார்டின், மனைவியுடன் இருசக்கர வாகனத்தில் சென்று வாக்கு சேகரித்தார்.
புதுச்சேரியில் தேசிய ஜனநாயக கூட்டணியில் அங்கம் வகிக்கும் லட்சிய ஜனநாயக கட்சி காமராஜர் நகர் தொகுதியில் போட்டியிடுகிறது.
அக்கட்சியின் தலைவர் ஜோஸ் சார்லஸ் மார்ட்டின் தர்பூசணி சின்னத்தில் களம் காண்கிறார். இந்நிலையில் மிகப்பெரும் தொழிலதிபரான ஜோஸ் சார்லஸ் மார்ட்டின் எளிமையான முறையில் மனைவியுடன் இருசக்கர வாகனத்தில் சென்று மக்களிடம் வாக்கு சேகரித்தது பலரையும் கவர்ந்தது.
அவர்கள் வயதான தம்பதியின் காலில் விழுந்து ஆசிர்வாதம் வாங்கி வாக்கு சேகரித்ததும் பலரையும் ஆச்சரியப்படுத்தியது.
