சென்னை கோயம்பேடு மேம்பாலத்தின் மீது இளைஞர் ஒருவர் ஆபத்தான முறையில் பைக் சாகசத்தில் ஈடுபட்ட வீடியோ வைரலாகி வருகிறது.
சென்னையின் பல்வேறு பகுதிகளில் பொதுமக்களுக்கு அச்சுறுத்தல் ஏற்படுத்தும் வகையில் பைக் சாகசம் மற்றும் ரேசில் ஈடுபடும் நபர்களை போலீசார் கைது செய்து வருகின்றனர். மேலும், ஆபத்தான சாகசத்தில் ஈடுபடவேண்டாம் என்றும் இளைஞர்களுக்கு எச்சரிக்கை விடுத்துள்ளனர்.
இதனையும்மீறி, சென்னை கோயம்பேடு மேம்பாலத்தில் இளைஞர் ஒருவர் தனது இருசக்கர வாகனத்தில் வேகமாக செல்வதுடன், சாகசத்தில் ஈடுபடும் வீடியோ சமூக வலைதளங்களில் வைரலானது.
இதனையடுத்து, அங்குள்ள சிசிடிவி காட்சிகளை ஆய்வு செய்த போலீசார், இருசக்கர வாகன சாகசத்தில் ஈடுபட்டவரின் வாகன எண் மற்றும் அடையாளங்களை வைத்து விசாரணை மேற்கொண்டுள்ளனர்.
