இந்தியாவின் பணவீக்கம், கடந்த ஆறு ஆண்டுகளில் இல்லாத அளவிற்குக் குறைந்துள்ளது.
இது குறித்து தேசிய புள்ளியியல் அலுவலகம் வெளியிட்ட அறிக்கையில், நுகர்வோர் விலைக் குறியீடு அடிப்படையிலான சில்லறை பணவீக்கம் கடந்த ஜூன் மாதத்தில் 2.1 சதவீதமாகக் குறைந்துள்ளதாகவும்,
இது மே மாதத்தில் 2.82 சதவீதமாகவும், 2024 ஜூன் மாதத்தில் 5.08 சதவீதமாக இருந்ததாகவும் அதில் தெரிவிக்கப்பட்டுள்ளது.
சில்லறை பணவீக்கம் மற்றும் உணவு பணவீக்கம் குறைந்ததற்கு, காய்கறிகள், பருப்பு வகைகள், இறைச்சி மற்றும் பால் உள்ளிட்ட உணவுப் பொருட்களின் விலைகள் குறைந்தது முக்கிய காரணமாகும் என்று அந்த அறிக்கையில் தெரிவிக்கப்பட்டுள்ளது.
