அண்டை நாடான வங்கதேசத்தில் BJP கட்சி ஒரு இடத்தில் வென்றுள்ளது.
வங்கதேசத்தில் மொத்தம் 300 நாடாளுமன்ற தொகுதிகள் உள்ள நிலையில் ஒரு தொகுதியில் வேட்பாளர் இறந்தார். இதனால் 299 தொகுதிகளுக்கு தேர்தல் நடந்தது. இதில் பிஎன்பி கட்சி மொத்தம் 209 இடங்களில் வெற்றி பெற்றது. ஆட்சியை பிடிக்க 151 இடங்கள் தேவை என்ற நிலையில் தனி மெஜாரிட்டியுடன் பிஎன்பி கட்சி ஆட்சியை பிடித்துள்ளது. விரைவில் தாரிக் ரஹ்மான் அந்த நாட்டின் பிரதமராக பொறுப்பேற்க உள்ளார்.
இந்நிலையில், வங்கதேசத்தில் BJP கட்சி முதல் வெற்றியை பதிவு செய்ததாக இணையதளங்களில் தகவல்கள் வெளியாகி வருகின்றன. ஆனால் உண்மையில் அது நம் நாட்டை சேர்ந்த பாஜக கட்சி இல்லை. அது வேறு கட்சி.
அந்நாட்டில், பங்களாதேஷ் ஜாதியா கட்சி சுருக்கமாக BJP என்று அழைக்கப்படுகிறது. வங்கதேச நாடாளுமன்ற தேர்தலில் போலோ தொகுதியில் அக்கட்சியின் சார்பில் போட்டியிட்ட அந்தலீவ் ரஹ்மான் வெற்றி பெற்றுள்ளார். இதனால் தான் வங்கதேசத்தில் பிஜேபி முதல் வெற்றியை பதிவு செய்ததாக இணையதளங்களில் தகவல்கள் வெளியாகி வருகின்றன.
