வாட்ஸ்அப்பின் புதிய அம்சம் !

உலகளவில் பிரபலமான தகவல் பரிமாற்ற செயலியான வாட்ஸ் அப் நிறுவனம் கோடிக்கணக்கான பயனர்களை கொண்டுள்ளது. மெட்டாவுக்கு சொந்தமான வாட்ஸ் அப் நிறுவனம் அவ்வப்போது தனது பயனர்களுக்கு பல்வேறு புதிய அப்டேட்களை வெளியிட்டு வருகிறது.

அந்த வகையில் தற்போது இந்தியா மற்றும் 150 க்கும் மேற்பட்ட நாடுகளில் சேனல் என்ற புதிய ஒளிபரப்பு அம்சத்தை வாட்ஸ் அப் நிறுவனம் அறிமுகம் செய்துள்ளது. இன்ஸ்டாகிராமில் உள்ள பிராட்காஸ்ட் சேனல் அம்சத்தைப் போலவே, மெட்டாவின் வாட்ஸ்அப் இப்போது பயனர்கள் சேனல் மூலம் அதிக குழுக்களுக்கு செய்திகளை அனுப்ப உதவுகிறது.

வாட்ஸ்அப் சேனல் மற்ற செயலியில் உள்ள சேனல்லை விட மாறுபட்டது. மற்ற செயலில் உள்ள சேனல் மூலம் அதனை பின்பற்றுவர்களின் விவரங்களை பார்க்கமுடியும் ஆனால் வாட்சப் சேனலில் அதனை பின்பற்றுவார்கள் விவரங்களை பார்க்க முடியாது. அட்மின், பின்தொடர்பவர்களின் தனியுரிமையைப் பாதுகாக்கும் இந்த சேனல் , புகைப்படங்கள், வீடியோக்கள், ஸ்டிக்கர்கள் மற்றும் வாக்கெடுப்புகளைப் பகிர உதவுகிறது.

இதுகுறித்து வாட்ஸ்அப் நிறுவனம் வெளியிட்டுள்ள அறிக்கையில் , “நாங்கள் இந்தியாவிலும் 150 க்கும் மேற்பட்ட நாடுகளில் வாட்ஸ்அப் சேனல் என்ற அம்சத்தை தொடங்குகிறோம் என்ற செய்தியைப் பகிர்ந்து கொள்வதில் நாங்கள் மகிழ்ச்சியடைகிறோம். வாட்ஸ்அப் Channels ஒரு வழி ஒளிபரப்பு கருவியாகும், மேலும் வாட்ஸ்அப்பிற்குள்ளேயே உங்களுக்கு முக்கியமான நபர்கள் மற்றும் நிறுவனங்களிடமிருந்து புதுப்பிப்புகளைப் பெறுவதற்கான தனிப்பட்ட வழியை வழங்குகிறது,” என்று தெரிவித்துள்ளது.

இன்ஸ்டாகிராம் செயலியை போலவே, வாட்ஸ்அப் சேனல்களிலும், பயனர்கள் அப்டேட்களுக்கு ரியாக்‌ஷன் மூலம் பதிலளிக்கலாம். இமொஜியைப் பயன்படுத்தி கருத்துக்களை தெரிவிக்கலாம். ரியாக்‌ஷன்களின் மொத்த எண்ணிக்கை காட்டப்படும், ஆனால் நிர்வாகியின் தனிப்பட்ட ரியாக்‌ஷனை பின்தொடர்பவர்கள் பார்க்க முடியாது. வாட்ஸ்அப்பின் சர்வர்களில் இருந்து தானாக நீக்கப்படுவதற்கு முன், அட்மின்கள் 30 நாட்கள் வரை தங்கள் அப்டேட்களை எடிட் செய்யும் திறனை விரைவில் பெறுவார்கள்.

ஒரு அட்மின் தனது அரட்டைகள் அல்லது குழுக்களுக்கு ஒரு புதுப்பிப்பை அனுப்பும் போதெல்லாம், அது சேனலுக்கான இணைப்பைச் சேர்க்கும், மேலும் தகவல்களை மக்கள் எளிதாகக் கண்டறிய அனுமதிக்கும். சேனல்களில் செய்திகள் குவிவதைத் தடுக்க, வாட்ஸ் அப் தனது சர்வர்களில் சேனல் வரலாற்றை அதிகபட்சமாக 30 நாட்களுக்கு வைத்திருக்கும். கூடுதலாக, அட்மின்கள் தங்கள் சேனல்களுக்குள் ஸ்கிரீன் ஷாட்கள் மற்றும் ஃபார்வர்டுகளை எடுப்பதைத் தடுக்கும் விருப்பமும் விரைவில் அறிமுகம் செய்யப்பட உள்ளது.