இந்தியா, ஆஸ்திரேலியா சுற்றுப்பயணம் : அட்டவணை !

ஆஸ்திரேலியாவுக்கு எதிரான ஐந்து போட்டிகள் கொண்ட டி20 தொடரின் போட்டிகள் எங்கே எப்போது நடைபெறும் என்று பார்ப்போம்.

ஐசிசி ஒருநாள் உலகக் கோப்பை 2023 ஐ தொடர்ந்து, இந்திய அணி ஆஸ்திரேலியாவுக்கு எதிரான ஐந்து போட்டிகள் கொண்ட டி20 தொடரில் விளையாட உள்ளது.

இந்தத் தொடரில் ஆஸ்திரேலியா அணியின் வீர்ரகள் பட்டியல் நேற்று அறிவிக்கப்பட்டது.

இந்தத் தொடருக்கு மேத்யூ வேட் கேப்டனாக இருப்பார். டேவிட் வார்னர் மற்றும் ஸ்டீவ் ஸ்மித் ஆகியோர் தென்னாப்பிரிக்க தொடரை தவறவிட்ட நிலையில் மீண்டும் அணிக்கு திரும்பியுள்ளனர். காயம் காரணமாக ஆஷ்டன் அகர் பெயர்பரிசீலிக்கப்படவில்லை.” என தெரிவிக்கப்பட்டுள்ளது.

மேலும், ஆஸ்திரேலிய அணியின் கேப்டன் பாட் கம்மின்ஸ், மிட்செல் ஸ்டார்க், ஜோஷ் ஹேசில்வுட் மற்றும் ஆல்-ரவுண்டர்கள் மிட்செல் மார்ஷ் மற்றும் கேமரூன் கிரீன் நடண்டு வரும் ஐசிசி கிரிக்கெட் உலகக் கோப்பைக்கு பிறகு ஆஸ்திரேலியா திரும்பி ஓய்வு எடுப்பார்கள் என்றும் தெரிவிக்கப்பட்டுள்ளது.

கடந்த பிப்ரவரி மாதம் ஆரோன் ஃபின்ச் ஓய்வு பெற்றதில் இருந்து, ஆஸ்திரேலிய டி20 அணி நிரந்தர கேப்டன் இல்லாமல் தவித்து வருகிறது. தற்போது, மிட்செல் மார்ஷ், பாட் கம்மின்ஸுக்கு பிறகு புதிதாக ஆஸ்திரேலிய அணியை வழிநடத்துகிறார் மேத்யூ வேட்.

தற்போது இந்தப் போட்டிகள் எங்கே எப்போது நடைபெறும் என்று பார்ப்போம்.

ஐந்து போட்டிகள் கொண்ட டி20 தொடரின் அட்டவணை:

நவம்பர் 23: முதல் டி20, விசாகப்பட்டினம்
நவம்பர் 26: இரண்டாவது டி20, திருவனந்தபுரம்
நவம்பர் 28: மூன்றாவது டி20, கவுகாத்தி
டிசம்பர் 1: நான்காவது டி20, நாக்பூர்
டிசம்பர் 3: ஐந்தாவது டி20, ஹைதராபாத்