கோவை பெரியார் அறிவுலக நூலகத்தில் போலி நூல்கள் அதிகளவில் கொள்முதல் செய்யப்பட்டு கோடிக்கணக்கில் முறைகேடு நடந்துள்ளதாக எழுத்தாளர் பெருமாள் முருகன் குற்றம் சாட்டியுள்ளார்
கோவையில் உள்ள பெரியார் நூலகத்திற்கு எழுத்தாளர் பெருமாள் முருகன் சென்று புத்தகங்களை பார்வையிட்டுள்ளார். அப்போது, புத்தகங்கள் அனைத்தும் ஒரே பதிப்பகத்தில் பதிப்பு செய்யப்பட்டது என்றும், வழக்கமான விலையை விட சுமார் ஐந்து மடங்கு விலை உயர்த்தி வாங்கப்பட்ட புத்தகங்கள் நூலகத்தில் வைக்கப்பட்டுள்ளதை கண்டும் அதிர்ச்சி அடைந்ததாக பெருமாள் முருகன் தெரிவித்துள்ளார். குறிப்பாக
அகல்விளக்கு மற்றும் பீனிக்ஸ் பதிப்பகத்தின் சார்பில் ஏஐ மூலம் உருவாக்கப்பட்ட புத்தகங்களை வாங்கியதில் நடைபெற்ற ஊழல் தொடர்பாக விசாரணை நடத்த வேண்டும் என்றும் கோரிக்கை விடுத்துள்ளார். இதில் சம்பந்தப்பட்டுள்ளவர்களின் பின்னணியை கண்டறிந்து அவர்கள் மீதும் கடுமையான நடவடிக்கை எடுக்க வேண்டும் என்றும், எழுத்தாளர்கள் பெயரில் நடைபெற்றுள்ள இந்த மோசடிகளை வெளிச்சத்திற்கு கொண்டுவர வேண்டும் என்றும் எழுத்தாளர் பெருமாள் முருகன் கேட்டுக்கொண்டுள்ளார்
