அறிவுலக நூலகத்திற்கு, தவறான தகவல்கள் அடங்கிய போலி நூல்களை வாங்கி முறைகேடு செய்திருப்பதற்கு, நாம் தமிழர் கட்சியின் ஒருங்கிணைப்பாளர் சீமான் கண்டனம் தெரிவித்துள்ளார்.
தமிழ்நாட்டின் அரசியல் வரலாற்றையே தவறாக எழுதியுள்ள நூல்களை மாணவர்களும், போட்டித்தேர்வுக்குத் தயாராகும் இளைஞர்களும் படித்தால் என்ன ஆகும்? என்று சீமான் கேள்வி எழுப்பியுள்ளார். இந்த நூல்களின் உள்ளடக்கத்தை ஆய்வு செய்தது யார்? கொள்முதலுக்கு ஒப்புதல் வழங்கியது யார்? என்று கேள்வி எழுப்பியுள்ள அவர், இந்த மாபெரும் முறைகேடு, ஆட்சியின் அவல நிலைக்கான சான்று என்று கூறியுள்ளார். திமுகவின் ஆட்சியில் தொடங்கப்பட்ட திட்டம் எனக் கூறி, பொறுப்பிலிருந்து அரசு விலக முடியாது என்று குறிப்பிட்டுள்ள சீமான், குற்றத்தில் தொடர்புடைய அதிகாரிகள், விநியோகிப்பாளர்கள் உள்ளிட்ட அனைவர் மீதும் குற்றவியல் நடவடிக்கை எடுத்து கைதுசெய்ய வேண்டும் என வலியுறுத்தியுள்ளார்
