ஐபிஎல் மினி ஏலத்தில் பஞ்சாப் அணிக்கு நேர்ந்த சோதனை!

ஐபிஎல் மினி ஏலத்தில் பஞ்சாப் அணி நிர்வாகம் தவறான வீரரை ஏலத்தில் எடுத்துவிட்டதாகக் கூறப்பட்ட நிலையில் தற்போது இதற்குப் பஞ்சாப் அணி விளக்கம் அளித்துள்ளது.

2024 ஆம் ஆண்டுக்கான ஐபிஎல் மினி ஏலம் துபாயில் நடந்து முடிந்தது. இந்நிலையில் பஞ்சாப் அணி மினி ஏலத்தில் ஒரு தவறு செய்ததாக இணையத்தில் வைரலாகி வருகிறது.

🚨 Official Update 🚨

Punjab Kings would like to clarify that Shashank Singh was always on our target list. The confusion was due to 2 players of the same name being on the list. We are delighted to have him onboard and see him contribute to our success.

— Punjab Kings (@PunjabKingsIPL) December 20, 2023

பஞ்சாப் அணியின் நிர்வாகம் ஷசாங் சிங் என்ற 19 வயது வீரரை எடுப்பதற்குப் பதிலாக அதே பெயரில் உள்ள 32 வயது வீரரை மினி ஏலத்தில் எடுத்து விட்டதாகச் செய்திகள் கிளம்பியது.

இது கிரிக்கெட் ரசிகர்கள் மத்தியில் சிரிப்பை ஏற்படுத்தியது. இதைக் கூட சரியாகப் பார்க்காமல் ஏலத்தில் வீரர்களை எடுப்பீர்கள் என்று பலரும் குற்றச்சாட்டி இருந்தனர்.

மேலும் பஞ்சாப் அணி, தாங்கள் தவறாக வீரரை எடுத்து விட்டதாகவும் அதனை நாங்கள் திரும்பப் பெற வேண்டும் என்று ஏலத்தில் முறையிட்டதாகச் செய்திகள் வந்தது. இந்நிலையில் பஞ்சாப் அணி நிர்வாகம் இதற்கு விளக்கம் ஒன்று அளித்துள்ளது.

அதில், ” சசாங் சிங் என்ற வீரரை நாங்கள் ஏலத்தில் எடுக்க முடிவு செய்திருந்தோம். ஆனால் பெயரில் குழப்பம் ஏற்பட்டு விட்டது எனினும் சசாங் சிங் எங்கள் அணியில் இணைந்ததை நினைத்து நாங்கள் மகிழ்ச்சி கொள்கிறோம். அவர் எங்களுடைய வெற்றி பயணத்தில் பங்களிப்பார் என்று நம்புகிறோம் ” என்று குறிப்பிட்டிருந்தது.

பஞ்சாப் அணியின் இந்த அறிவிப்பு குழப்பத்தை மேலும் அதிகரித்தது. இதனை அடுத்து மீண்டும் ஒரு பதிவை வெளியிட்ட பஞ்சாப் அணி இரண்டு வீரர்களும் ஒரே பெயரில் இருந்ததால் குழப்பம் ஏற்பட்டது.

ஆனால் நாங்கள் சரியான ஷசாங் சிங்கை தான் ஏலத்தில் தேர்வு செய்து இருக்கிறோம். ஷசாங் சிங் குறித்து நாங்கள் பலமுறை ஆலோசித்தோம். அவர் நல்ல பல இன்னிங்சை விளையாடி இருக்கிறார். நாங்கள் எந்த தவறையும் செய்யவில்லை.

அவருடைய திறமையை நாங்கள் காண ஆவலுடன் இருக்கிறோம் என்று பஞ்சாப் அணி மீண்டும் விளக்கம் ஒன்றைக் கொடுத்தது. மேலும் தாங்கள் தேர்ந்தெடுத்த சஷாங் சிங் 32 வயதான வீரர் தான் என்றும் அவர் ஏற்கனவே சன்ரைசர்ஸ் ஹைதராபாத் அணிக்காக விளையாடி இருக்கிறார் என்றும் பஞ்சாப் அணி தற்போது விளக்கம் அளித்துள்ளது.