குலசேகரன்பட்டினத்தில் விண்வெளிப் பூங்கா அமைப்பதற்கான அதிகாரப்பூர்வ அறிவிப்பை டிட்கோ நிறுவனம் வெளியிட்டுள்ளது.
குலசேகரன்பட்டினத்தில் 2 ஆயிரத்து 233 ஏக்கரில் சுமார் 950 கோடி ரூபாய் மதிப்பீட்டில், இஸ்ரோ சார்பில் ராக்கெட் ஏவுதளம் அமைக்கப்படுகிறது.
இதற்கான அடிக்கல் நாட்டு விழா கடந்த பிப்ரவரி 28-ம் தேதி தூத்துக்குடி வ.உ.சி. துறைமுக வளாகத்தில் நடைபெற்றது. இந்நிலையில், குலசேகரன்பட்டினத்தில் விண்வெளி பூங்கா அமைப்பதற்கான அதிகாரப்பூர்வ அறிவிப்பை தமிழ்நாடு தொழில் வளர்ச்சி நிறுவனமான டிட்கோ வெளியிட்டுள்ளது.
விண்வெளி ஆய்வு மையத்திற்கு அருகே தொழிற்சாலை, உந்து சக்தி பூங்கா அமைப்பதற்கான அறிவிப்பை டிட்கோ வெளியிட்டுள்ளது. இந்த விண்வெளி பூங்கா அமைப்பதற்காக இஸ்ரோவின் துணை நிறுவனமான இன்ஸ்பேஸ் நிறுவனத்துடன் டிட்கோ புரிந்துணர்வு ஒப்பந்தம் செய்துள்ளது.
