நெருக்கடி நிலையின் போது பல்வேறு இன்னல்களை எதிர்கொண்ட முன்னாள் குடியரசு துணைத்தலைவர் வெங்கையா நாயுடு, தனது உண்மையான தோழர் என பிரதமர் மோடி புகழாரம் சூட்டியுள்ளார்.
முன்னாள் குடியரசு துணைத் தலைவர் வெங்கையா நாயுடுவின் 75-வது பிறந்தநாளை ஒட்டி, அவரது வாழ்க்கை வரலாறு தொடர்பான 3 புத்தகங்களை பிரதமர் மோடி காணொலி வாயிலாக வெளியிட்டார்.
நிகழ்ச்சியில் பேசிய பிரதமர் மோடி, நெருக்கடி நிலை அமல்படுத்தப்பட்டபோது, வெங்கையா நாயுடு 17 மாதங்கள் சிறையில் அடைக்கப்பட்டதை நினைவு கூர்ந்தார்.
அதிகாரம் என்பது சேவைக்கானது என்பதை, வாஜ்பாய் அரசுடன் சேர்ந்து பணியாற்றியபோது வெங்கையா நாயுடு நிரூபித்ததாகவும் பிரதமர் மோடி புகழாரம் சூட்டினார்.
ஏழைகள் மற்றும் விவசாயிகளின் வளர்ச்சிக்காக வெங்கையா நாயுடு பணியாற்றியதாகவும் பிரதமர் மோடி குறிப்பிட்டார்.
