ஹத்ராஸ் சம்பவம்: காயமடைந்தவர்களை நேரில் சந்தித்து முதலமைச்சர் யோகி ஆதித்யநாத் ஆறுதல்!

உத்தரப்பிரதேச மாநிலம் ஹத்ராஸில் கூட்ட நெரிசலில் சிக்கி காயமடைந்தவர்களை அம்மாநில முதலமைச்சர் யோகி ஆதித்யநாத் நேரில் சந்தித்து ஆறுதல் கூறினார்.

உத்தரபிரதேச மாநிலம் ஹத்ராஸில், Phulrai என்ற கிராமத்தில் போலே பாபா என்ற சாமியார் பிரசங்கம் நிகழ்த்தினார்.

80 ஆயிரம் பேர் கூடுவதற்காக அனுமதி பெற்ற நிலையில், இரண்டரை லட்சத்திற்கும் மேற்பட்டோர் கூடியதால் கடும் நெரிசல் ஏற்பட்டது.

இதில் சிக்கி உயிரிழந்தோர் எண்ணிக்கை 121 ஆக உயர்ந்துள்ளது. இந்த விபத்து தொடர்பாக, நிகழ்ச்சி ஒருங்கிணைப்பாளர்கள் மீது வழக்கு தொடரப்பட்டுள்ள நிலையில், ஆன்மிக பிரசங்கத்தை நடத்திய போலே பாபா தலைமறைவாகியுள்ளதாக காவல்துறை தரப்பில் தெரிவிக்கப்பட்டுள்ளது.

இந்நிலையில், ஹெலிகாப்டர் மூலம் சம்பவ இடத்திற்கு வந்த உத்தரப் பிரதேச பிரதேச முதலமைச்சர் யோகி ஆதித்யநாத் உயிரிழந்தவர்களின் குடும்பத்தினரை நேரில் சந்தித்து ஆறுதல் கூறினார்.

அதேபோன்று, நெரிசலில் சிக்கி காயமடைந்து மருத்துவமனையில் சிகிச்சை பெற்று வருபவர்களையும் அவர் நேரில்
சந்தித்து ஆறுதல் கூறினார்.