ஜம்மு காஷ்மீர் மாநிலம் குல்காம் பகுதியில் தீவிரவாதிகளுக்கும் பாதுகாப்புப் படையினருக்கும் இடையே நடைபெற்ற துப்பாக்கிச்சூட்டில் 4 தீவிரவாதிகள் சுட்டுக் கொல்லப்பட்டனர்.
குல்காம் பகுதியில் பயங்கரவாதிகள் நடமாட்டம் இருப்பதாக பாதுகாப்பு படையினருக்கு ரகசிய தகவல் கிடைத்தது.
இந்த தகவலின் பேரில் பாதுகாப்புக் குழுவினர் தேடுதல் வேட்டையில் ஈடுபட்டனர். அப்போது பாதுகாப்புப் படையினரை கண்ட தீவிரவாதிகள் துப்பாக்கிச்சூடு நடத்த தொடங்கினர்.
இரு தரப்பினருக்கும் இடையே நடைபெற்ற துப்பாக்கி சூட்டில் 4 பயங்கரவாதிகள் சுட்டுக்கொல்லப்பட்டனர். மேலும் அவர்கள் நடத்திய தாக்குதலில் 2 பாதுகாப்புப் படை வீரர்கள் மரணமடைந்தனர்.
இந்நிலையில் தீவிரவாதிகளை அழிக்கும் பணியில் அதிகாரிகள் தொடர்ந்து ஈடுபட்டு வருகின்றனர்.
